კომპანიის ისტორია

კომპანია “ლეგენდა” 2003 წელს დაფუძნდა და იმთავითვე მიზნად დაისახა, მოეხდინა დაკარგულ ძველ ქართულ ხელობათა აღდგენა, განვითარება, პოპულარიზაცია, როგორც საქართველოში, ისე მის საზღვრებს გარეთ. კომპანია ეწევა საგანმანათლებლო საქმიანობას, რაც მაღალი ხელოვნებისკენ მობრუნებას უწყობს ხელს. ხუთ საუკუნოვანი პაუზის შემდეგ აღდგენილი ხელობის – “ტიხრული მინანქრის” განვითარების, სრულყოფისა და პოპულარიზაციის მიზნით კომპანია “ლეგენდა”-ს ჩამოყალიბებული აქვს “ტიხრული მინანქრის” სკოლა-სახელოსნო, სადაც ამ ხელობას აზრიარა და შემდგომში დაასაქმა 2 ასეულზე მეტი ადამიანი. აგრეთვე აღდგენილი ტექნიკით მზადდება საქართველოში არქეოლოგიური გათხრების დროს მოპოვებული კულტურული მემკვიდრეობის ძეგლების მოტივებზე შექმნილი ანალოგები.